«Мен OFFLINE» республикалық кең ауқымды балалар акциясы

2019 жылғы 27 қаңтар - Халықаралық интернетсіз күніне орай «Мен OFFLINE» республикалық кең ауқымды балалар акциясына #Тараз қаласы М.Мақатаев атындағы 14 орта мектебінде Интернетке тəуелділіктің алдын алу, кәмелетке толмағандардың Интернет белсенділігін бақылауға қатысты ересек интернет-қызметтерді пайдаланушылардың жауапкершілігін, Интернет пайдалану мәдениетін арттыру мақсатында «Мен OFFLINE (оффлайн)», «Біз қауіпсіз интернетті таңдаймыз», "Мен интернетсіз күнді қалай өткіздім?", "Интернеттің пайдасы мен зияны" тақырыптарында түсіндірме жұмыстары, сынып сағаттары, сурет салу, эссе жазу байқаулары ұйымдастырылды. Акцияға мектебіміздің оқушылары да өз үлестерін қосып, белсенділік танытты. Сурет байқауына оқушылар бар өнерін салып қатысса, 6 сынып оқушылары эссе жазып, шығармашылық қабілеттерімен танылды. Акцияға белсенділік танытып, атсалысқан мектеп оқушылары дипломдармен марапатталды.