Діни сауаттылығын көтеру, теріс діни бағытты насихаттайтын діни ұйымдардың ықпалына түсіп кетудің алдын алу

[b]М.Мақатаев атындағы №14 орта мектеп кешенінде мектеп оқушыларының діни сауаттылығын көтеру, теріс діни бағытты насихаттайтын діни ұйымдардың ықпалына түсіп кетудің алдын алу мақсатында Жамбыл облысы дін проблемаларын зерттеу орталығының маманы А.Балқожаев және дін саласындағы теолог маман А.Кенжемолдаевпен кездесу ұйымдастырылды. Облыстық ақпараттық-түсіндіру тобының мамандары 9-10 сынып оқушыларына теріс бағыттағы діни ұйымдардың қауіптілігі туралы сөз қозғап, оқушылардың көкейінде жүрген сұрақтарына жауап берді. Жиын соңында ақпараттық-түсіндіру тобының мамандары дінге қатысты кез келген ақпаратты көшедегі көрінгеннен емес отбасындағы үлкендерден, ҚМДБ-да тіркелген сенімді сайттардан алуға кеңес берді.