М.Мақатаев атындағы №14 орта мектепте ақиық ақын М.Мақатаевтың туғанына 89 жыл толуына орай ақынға арналған "Мен өмірді жырлау үшін келгенмін" тақырыбында әдеби бұрыш ашылды.

М.Мақатаев атындағы №14 орта мектепте ақиық ақын М.Мақатаевтың туғанына 89 жыл толуына орай ақынға арналған "Мен өмірді жырлау үшін келгенмін" тақырыбында әдеби бұрыш ашылды. Айтыскер ақын, облыстық "Ақ жол" газетінің тілшісі Есет Досалы және ата-аналар комитетінің төрайымы Меруерт Тілегенқызы әдеби бұрыштың лентасын қиып берді. Ал, қалалық "Жамбыл-Тараз газетінің тілшісі, жас ақын Арайлы Жақсылық мектеп ұжымын әдеби бұрыштың ашылуымен құттықтап, өз ұсынысын жеткізді. Әрі қарай мектеп білім алушылары бірінен соң бірі ақын Мұқағали Мақатаевтың жырларын жатқа оқыды.
Өз кезегінде мектеп директоры Закура Кеңесбайқызы келген қонақтарға алғысын айтып, келер жылы ақынның 90 жылдық мерейтойы қала көлемінде өткізілетіндігін, мұндай іс-шаралар алдағы уақытта да жалғасын табатындығын тілге тиек етті. Шара соңы мектеп ұстаздары арасындағы ақынға арналған әдеби кешпен жалғасын тапты.