2002-2003 оқу жылының үздік түлегі. Шымкент қаласы прокуратурасының Басқарма бастығы – Аппарат басшысы лауазымын атқарады.

Заурбеков Руслан Мұхтарұлы 1985 жылғы 4 мамырда Жамбыл облысы, Тараз (Джамбул) қаласында дүниеге келген.

1992 жылы Тараз қаласындағы М.Мақатаев атындағы №14 орта мектепке 1 сыныпқа барып, оны 2003 жылы үздік аяқтаған.

2003 жылы М.Х.Дулати атындағы Тараз мемлекеттік университетінің «Құқықтану» мамандығы бойынша оқуға түсіп, 2007 жылы үздік бітірген. 2009 жылы осы университеттің «Қаржы» мамандығын бітірсе, 2015 жылдан бастап Құқық магистрі.

Еңбек жолы: 

- 2010-2011 жылдары Тараз қаласы прокурорының көмекшісі, аға көмекшісі;

- 2011-2016 жылдары Жамбыл облысы прокуратурасының әлеуметтік-экономикалық саладағы заңдылықты қадағалау басқармасының прокуроры, аға прокуроры;

- 2016-2017 жылдары Қазақстан Республикасы Бас прокуратурасының әлеуметтік-экономикалық саладағы заңдылықты қадағалау Департаментінің бөлім прокуроры, аға прокуроры;

- 2017-2019 жылдары Қызылорда облысы прокуратурасының сотта мемлекет мүддесіне өкілдік ету басқарма бастығы, Қызылорда облысы прокуратурасының Басқарма бастығы – Аппарат басшысы;

- 2019 жылдан бүгінгі күнге дейін Шымкент қаласы прокуратурасының Басқарма бастығы – Аппарат басшысы лауазымын атқарады.

Сыныптық шені - кіші әділет кеңесшісі.

Отбасылы, 4 бала тәрбиелеуде.